ලේ දන්දීමේ පින්කම - 2027.02.14 | ලබුනෝරුව

PL000771

ලබුනෝරුව | ලේ දන්දීම්

ජීවදාන මියැදෙනා හදකට පණනලක් වන්නට, ලේ බිදක් දන් දෙමු.

පුබුදුවාලමු තරුණ හදවත් එකමුතුව අප විසින් සංවිධානය කරමින් සිටින ඒ වැඩසටහනට ඔබටත් දායක විය හැක පරිත්‍යාගශීලී ඔබගේ මතක සටහනක් වන්නට අපෙන් තිළිණයක්

දිනය :- 2027 . 02 . 14

ස්ථානය :- ශ්‍රී ශාක්‍යමුණි ධර්මායතනය, සන්දනමකුලම, ලබුනෝරුව.

වේලාව :- පෙ:ව 08:00 සිට ප:ව 03:00 දක්වා.

Map Location - https://maps.app.goo.gl/ab2nc8ZcPUvYR9zg7

(උපුටා ගැනීම ශ්‍රී ලංකා රුධිර දායකයින් இலங்கை குருதிக் கொடையாளர்கள் (SL Blood Donors) Facebook සමුහයෙනි)

🩸 රුධිර පරිත්‍යාග කිරීමට තිබියයුතු මූලික සුදුසුකම් සහ උපදෙස්

✅ රුධිරය පරිත්‍යාග කිරීමට තිබියයුතු මූලික සුදුසුකම්
• වයස අවුරුදු 18–60 අතර විය යුතුය. (පළමු වරට රුධිරය පරිත්‍යාග කරන්නන් සඳහා උපරිම වයස අවුරුදු 55කි.)
• රුධිර දායකත්ව දෙකක් අතර අවම වශයෙන් මාස 4ක පරතරයක් තිබිය යුතුය.
• ශරීර බර කිලෝග්‍රෑම් 50ට වැඩි විය යුතුය.
• හිමොග්ලොබින් (Haemoglobin) මට්ටම 12.5 g/dL ට වැඩි විය යුතුය.
• ගර්භණී නොවිය යුතුය.
• බරපතළ වෛද්‍යමය රෝගාබාධවලින් තොර විය යුතුය.
• අවදානම් හැසිරීම්වලින් තොර විය යුතුය.
• ඔබගේ ජාතික හැඳුනුම්පත හෝ වලංගු හැඳුනුම්පතක් රැගෙන එන්න.

✈️ විදේශ සංචාර සම්බන්ධයෙන් පවතින තාවකාලික නුසුදුසුකම්
• මැලේරියා අවදානම් සහිත රටකට සංචාරය කර ඇත්නම්: නැවත පැමිණි දිනයේ සිට වසර 3ක කාලයක් රුධිරය පරිත්‍යාග කිරීමෙන් වැළකී සිටිය යුතුය.
• වෙනත් විදේශ සංචාර: නැවත පැමිණි දිනයේ සිට මාස 3ක කාලයක් රුධිරය පරිත්‍යාග කිරීමෙන් වැළකී සිටිය යුතුය.

ඔබගේ සංචාර ඉතිහාසය හේතුවෙන් රුධිරය පරිත්‍යාග කිරීමට ඔබට හැකියාව තිබේද යන්න පිළිබඳ සැකයක් ඇත්නම්, රුධිර දායකත්ව මධ්‍යස්ථානයේ (NBTS) නිලධාරීන්ගෙන් විමසන්න හෝ රුධිරය පරිත්‍යාග කිරීමට පෙර ඔවුන් අමතන්න.

🍛 රුධිරය පරිත්‍යාග කිරීමට පෙර
• 🍛 පැය 4ක් ඇතුළත ප්‍රධාන ආහාර වේලක් ලබා ගන්න.
• 💧 ප්‍රමාණවත් තරම් දියර පානය කරන්න.
• 🚫 මත්පැන් පානය කිරීමෙන් වළකින්න. (අවම වශයෙන් පැය 48ක කාලයක්)
• 😴 පෙර රාත්‍රියේ අවම වශයෙන් පැය 6ක් නින්දක් ලබාගන්න.

❤️ රුධිරය පරිත්‍යාග කිරීමෙන් පසු
• 🪑 අවම වශයෙන් මිනිත්තු 20ක් විවේක ගන්න.
• 💧 ඉදිරි පැය 4 තුළ වැඩිපුර දියර පානය කරන්න.
• 🩹 ඇලවුම් පටිය (Plaster) පැය 12ක් පමණ ඉවත් නොකර තබා ගන්න.
• 🏋️ පැය 24ක් බර ඉසිලීමෙන් වළකින්න.


අදාල සමාජ මාධ්‍ය ප්‍රචාර⁣යට පිවිසීමට පහත More Info අයිකනය ක්ලික් කරන්න.

මෙම සමාජ මාධ්‍ය ප්‍රචාරයේ අයිතිය මුල් හිමිකරුවන් සතුවේ.