පින යනු? | ඛුද‍්දකපාඨපාළි -නිධිකණ්ඩ සූත්‍රය

PL000003

පිරිත් / සුත්‍ර

"පින" ගැන ඔබ දන්නවාද?

ඛුද්දකපාඨය හි
පින පළිබඳව බොහෝ විස්තරාත්මකව පෙන්වා ද ඇත.
එනම්,

යම් ස්ත්‍රියක් හෝ පුරුෂයෙක් මනාසේ නිධානයක් කරන ලද්දේ වේද,

එය චෛත්‍ය කෙරෙහිද , සංඝයා කෙරෙහිද, යම් පුද්ගලයකු කෙරෙහිද, ආගන්තුකයකු කෙරෙහිද , මව කෙරෙහිද, පියා කෙරෙහිද, සහෝදර සහෝදරියන් කෙරෙහිද, මනාසේ තැන්පත් කරන ලද යම් නිධානයක් වේද,

එය අන්‍යන් විසින් දිනා ගත නොහැකි වූද, පරලොව දී විපාක දීම් වශයෙන් තමා අනුව යන්නේ වෙයිද, මිය යන අවස්ථාවේ දී හැරදමා යා යුතු වස්තූන් ඇති කල් හි, මේ පුණය්‍ය නිධානය රැගෙන පරලොව යයි.

එම පුණ්‍යය නිධානය යන් අයට සාධාරණ නොවෙයි. සොරුන් විසින් පැහැර ගත නොහැක. තමා අනුව යන්නෝම නම් ඒ පුණ්‍ය නිධානයක් වේද, නුවනැත්තන් විසින් ඒ පින්කම් කරන්නේය.

මේ පින දෙවියන්ටද මිනිසුන්ටද සියලු කැමති සම්පත් දෙන නිධානයයි. ඔහු යමක් යමක් ප්‍රාර් ථනා කෙරේද ඒ සියල්ල මේ පුණ්‍යය නිධානය කරණ කොටගෙන ලැබේ.

සුන්දර ජවි වර්ණ ඇතිබව, මධුර වූ ස්වර ඇති බව, අඟමසඟ පිළිබඳ මනා සටහන් ඇති බව, අධිපති භාවය සහ පිරිවර ජනයා ද යන මේ සියල්ල පුණ්‍ය නිධානය කරණ කොට ගෙන ලැබේ.

ප්‍රාදේ ශිය රාජ්‍යය, එක් එක් දිවයිනට අණ සක පැවැත්වීම, ද්වීප චක්‍රවර් ති රාජ්‍යයද, සතර මහා දිවයිනේ අණ සක පැවැත්වීම,

දෙව් ලොව දිව්‍යය දැපයද යන මේ සියල්ල මේ පුණ්‍යය නිධානය කරණ කොටගෙන ලැබේ. සියල්ල මේ පුණ්‍යය නිධානය කරණ කොටගෙන ලැබේ.

කළ්‍යාණ මිත්‍ර සම්පත්තිය, පුර් වේ නිවාසානුස්සති ඥාණාදිය, ත්‍රිවිද්‍යාවෝද, අෂ්ඨ සමාපත්තිද, නිර්වාණ සංඛ්‍යාත විමුත්කිය ද යන මේ සියල්ල පුණ්‍යය නිධානය කරණ කොටගෙන ලැබේ.

අර්ථ ධම්ම නිරුක්ති පටිභාන ප්‍රඥා සංඛ්‍යාත පටිසම්භිදාවන්ද, අෂ්ඨ විමෝක්ෂයද, සියල්ල මේ පුණ්‍යය නිධානය කරණ කොටගෙන ලැබේ.ශ්‍රාවක පාරමිතාවක් ඇත්නම් එයද, පසේබුදු පාරමිතාවක් ඇත්නම් එයද, ලොවුතුරා බුද්ධ පාරමිතාවක් ඇත්නම් එයද, යන සියල්ල මේ පුණ්‍යය නිධානය කරණ කොටගෙන ලැබේ.

එසේ හෙයින් ධීර ගුණයෙන් යුතු පණ්ඩිතයෝ පින් කරති.

(උපුටා ගැනීම Ruchiru Kulathunga ගේ Facebook ගිනුමෙනි)

අදාල සමාජ මාධ්‍ය ප්‍රචාර⁣යට පිවිසීමට පහත More Info අයිකනය ක්ලික් කරන්න.

මෙම සමාජ මාධ්‍ය ප්‍රචාරයේ අයිතිය මුල් හිමිකරුවන් සතුවේ.